Nyaj nej yuav xav nruab siab tias, HWAD yog dab tsi thiab tiag?
HWAD yog ib pawg tsiaj ntawv uas txhais tau hais tias Hmoob Word-a-Day los yog Niaj hnub txais ib lo lus Hmoob. HWAD pib xyoos 2004 thaum lub caij so. Kuv kawm ntawv Hmoob txhua txhua hnub ces muaj ib hnub xob laim tuaj ntaus kuv taub hau ces kuv ntaus tswv yim tias kuv yuav tsim ib qhov uas yuav pab sawv daws kawv lus hmoob zoo dua.
Peb sawv daws feem coob tsis muaj sij hawm ntau ntau; yog li ntawd tej zaum qhov peb sawv daws siv lub Internet sib pab sib qhia ntawv Hmoob ib tug rau ib tug yuav yog on qhov tsim txiaj kawg. Peb cov "contributors" yog cov neeg zoo li koj, cov laus cov hluas cov niam cov txiv uas paub lus Hmoob thiab xav kawm lus Hmoob zoo dua qhov qub los yog pab qhia cov uas paub lus Hmoob tsis zoo pes tsawg.
Xyoo 2005 no, peb pib thov lwm tus pab tswv yim pub rau peb, ib qhov "online community project". Nim no, muaj neeg tsawg pab peb ces kuv cia siab hais tias ib ntuj tso, yuav muaj neeg coob heev koom peb lub project no, ces yuav yog ib qhov zoo pab ntawv Hmoob thiab kev cai Hmoob ris mus deb heev. Tej zaum koj xav tias, Kuv ua tau dab tsi ne? Nyem qhov Volunteer no, ces nej kawm tau nej ua tau dab tsi pab peb. (Nws yooj yim heev!) Tsis tas li, yog koj muaj tswv yim dab tsi thov qhia rau peb paub nawb mog!
Yog tias koj txaus siab koom thiab txais HWAD los kuv zoo siab heev. Yog tias koj xav pab ua thiab ces tiv tauj kuv xwb: hwad@easternlanguagespecialist.com. Vam thiab cia siab hais tias peb sawv daws uas txais HWAD uas nyob puv thoob qab ntuj khwb no yuav sib qhia thiab niaj hnub kawm ib qhov tshiab.
